Jyotjisharathnam ജ്യോതിഷരത്നം

രാശി നാമങ്ങള്‍

2011-05-19T13:38:00.004+05:30

മീനം	മേടം	ഇടവം	മിഥുനം
കുംഭം	രാശി നാമങ്ങള്‍		കര്‍ക്കടകം
മകരം	രാശി നാമങ്ങള്‍		ചിങ്ങം
ധനു	വൃശ്ചികം	തുലാം	കന്നി

ധ്യാനങ്ങള്‍ 5

2008-06-29T06:09:00.001+05:30

സശംഖചക്രം സകിരീടകുണ്ഡലം

സപീതവസ്ത്രം സരസീരുഹേക്ഷണം

സഹാരവക്ഷസ്ഥലശോഭികൌസ്തുഭം

നമാമി വിഷ്ണും ശിരസാചതുര്‍ഭുജം

ശംഖചക്രങ്ങളോടും കിരീടകുണ്ഡലങ്ങളോടും പീതവസ്ത്രത്തോടും കൂടിയവനും താമരയിതള്‍പോലെ മനോഹരമായ കണ്ണുകളോടു കൂടിയവനും
മുത്തുമാലകളോടുകൂടിയ വക്ഷസ്സില്‍ ശോഭിക്കുന്ന കൌസ്തുഭരത്നത്തോടുകൂടിയവനും
നാല് കൈകളോടു കൂടിയവനുമായ വിഷ്ണുഭഗവാനെ ഞാന്‍ ശിരസ്സുകൊണ്ട് നമിക്കുന്നു.

ശ്രീ വിഷ്ണു സഹസ്രനാമസ്തോത്രം

ധ്യാനങ്ങള്‍-4

2008-06-28T06:02:00.001+05:30

മേഘശ്യാമം പീതകൌശേയവാസം

ശ്രീവത്സാങ്കം കൌസ്തുഭോത്ഭാസിതാംഗം

പുണ്യോപേതം പുണ്ഡരീകായതാക്ഷം

വിഷ്ണും വന്ദേ സര്‍വ്വ ലോകൈകനാഥം

മേഘത്തിന്റെ ശ്യാമനിറമുള്ളവനും മഞ്ഞപ്പട്ട് ധരിച്ചവനും ശ്രീവത്സം എന്ന അടയാളത്തോടു കൂടിയവനും കൌസ്തുഭം കൊണ്ട് പ്രശോഭിക്കുന്ന അംഗമുള്ളവനും പുണ്യം തികഞ്ഞവനും താമരപോലെ വിശാലമായ കണ്ണുകളോടു കൂടിയവനും സര്‍വ്വലോകങ്ങള്‍ക്കും ഏകനാഥനായിരിക്കുന്നവനുമായ വിഷ്ണുവിനെ ഞാന്‍ വന്ദിക്കുന്നു.

ശ്രീ വിഷ്ണു സഹസ്രനാമസ്തോത്രം

ധ്യാനങ്ങള്‍-3

2008-06-27T17:54:00.005+05:30

ശാന്താകാരം ഭുജഗശയനം പത്മനാഭം സുരേശം

വിശ്വാധാരം ഗഗനസദൃശം മേഘവര്‍ണ്ണം ശുഭാംഗം

ലക്ഷ്മീകാന്തം കമലനയനം യോഗിഹൃദ്ധ്യാനഗമ്യം

വന്ദേ വിഷ്ണും ഭവഭയഹരം സര്‍വ്വലോകൈക നാഥം

ശാന്തമായ ആകാരത്തോടു കൂടിയവനും സര്‍പ്പത്തിന്മേല്‍ ശയിക്കുന്നവനും നാഭിയില്‍ താമരപ്പൂ ഉള്ളവനും ദേവന്മാരുടെ ഈശനായിരിക്കുന്നവനും ലോകങ്ങള്‍ക്കെല്ലാം ആധാരമായിരിക്കുന്നവനും ആകാശം പോലെ സര്‍വ്വവ്യാപിയായിരിക്കുന്നവനും മേഘവര്‍ണ്ണമുള്ളവനും മംഗളകരങ്ങളായ അവയവങ്ങളോടു കൂടിയവനും മഹാലക്ഷ്മിയുടെ ഭര്‍ത്താവും താമരയിതള്‍പോലെ മനോഹരമായ കണ്ണുകളോടു കൂടിയവനും യോഗിവര്യന്മാരുടെ ഹൃദയങ്ങളില്‍ ധ്യാനം കൊണ്ട് ഗമിക്കുന്നവനും സംസാരഭയത്തെ ഇല്ലാതാക്കുന്നവനും സര്‍വ്വലോകങ്ങള്‍ക്കും ഏകനാഥനായിരിക്കുന്നവനുമായ മഹാവിഷ്ണുവിനെ ഞാന്‍ വന്ദിക്കുന്നു.

ശ്രീ വിഷ്ണു സഹസ്രനാമസ്തോത്രം

ധ്യാനങ്ങള്‍-2

2008-06-27T17:43:00.007+05:30

ഭൂഃ പാദൌ യസ്യ നാഭിര്‍വ്വിയദസുരനില-

ശ്ചന്ദ്രസൂര്യൌചനേത്രേ

കര്‍ണ്ണാവാശാശ്ശിരോദ്യൌര്‍മ്മുഖമപി ദഹനോ

യസ്യൈ വാസ്തേയമബ്ധിഃ

അന്തഃസ്ഥം യസ്യ വിശ്വം സുരനരഖഗഗോ-

ഭോഗിഗന്ധര്‍വ്വദൈത്യൈ-

ശ്ചിത്രം രംരമ്യമേതം ത്രിഭുവനവപുഷം

വിഷ്ണുമീശം നമാമി

ഏതൊരാളുടെ കാലുകള്‍ ഭൂലോകവും നാഭി ആകാശവും പ്രാണന്‍ വായുവും നേത്രങ്ങള്‍ ചന്ദ്രസൂര്യന്മാരും ചെവികള്‍ ദിക്കുകളും ശിരസ്സ് സ്വര്‍ഗ്ഗലോകവുംമുഖം അഗ്നിയും വാസസ്ഥാനം സമുദ്രവും ആയിരിക്കുന്നുവോ ദേവന്മാര്‍, മനുഷ്യര്‍, പക്ഷികള്‍, മൃഗങ്ങള്‍, സര്‍പ്പങ്ങള്‍, ഗന്ധര്‍വ്വന്മാര്‍, അസുരന്മാര്‍ എന്നിവരുടെ വിചിത്രങ്ങളായ ലീലകളാല്‍ രമ്യമാക്കിത്തീര്‍ക്കപ്പെട്ട വിശ്വം മുഴുവനും ഏതൊരാളുടെ അന്തര്‍ഭാഗത്ത് സ്ഥിതിചെയ്യുന്നുവോ ശരീരം മൂന്നു ലോകങ്ങളും നിറഞ്ഞിരിക്കുന്ന മഹാവിഷ്ണുവിനെ ഞാന്‍ നമിക്കുന്നു.

ശ്രീ വിഷ്ണു സഹസ്രനാമസ്തോത്രം

ധ്യാനങ്ങള്‍-1

2008-06-25T18:14:00.006+05:30

1
ക്ഷീരോദ്വന്വത്‍പ്രദേശേ ശുചിമണിവിലസത്-

സൈകതേ മൌക്തികാനാം

മാലാക്ലുപ്താസനസ്ഥഃ സ്ഫടികമണിനിഭൈര്‍-

മ്മൌക്തികൈര്‍മ്മണ്ഡിതാംഗഃ

ശുഭ്രൈരഭ്രൈരദഭ്രൈരുപരിവിരചിതൈര്‍-

മ്മുക്തപീയൂഷവര്‍ഷൈ-

രാനന്ദീ നഃ പുനീയാദരിനളിനഗദാ-

ശംഖപാണിര്‍മ്മുകുന്ദഃ

പാല്ക്കടലിന്‍ തീരത്ത് ശുദ്ധമായരത്നങ്ങള്‍ പോലെ ശോഭിക്കുന്ന മണല്‍പ്രദേശത്ത് മുത്തുമാലകളാല്‍ അലംകൃതമാഅയ സിംഹാസനത്തില്‍ ഇരിക്കുന്നവനും സ്ഫടിക മണികള്‍ക്കൊത്തമുത്തുകളാല്‍ അലംകരിക്കപ്പെട്ട ദേഹത്തോടുകൂടിയവനും ശുഭ്രമായ മേഘങ്ങള്‍ വര്‍ഷിക്കുന്ന അമൃതവര്‍ഷത്താല്‍ ആനന്ദമനുഭവിക്കുന്നവനും ചക്രം താമര ഗദ എന്നിവ ധരിച്ച നാലു കൈകളോടു കൂടിയവനുമായ മഹാവിഷ്ണു നമ്മളെ പരിശുദ്ധരാക്കിത്തീര്‍ക്കട്ടെ.

ശ്രീ വിഷ്ണു സഹസ്രനാമസ്തോത്രം

ശ്രീ വിഷ്ണു സഹസ്രനാമസ്തോത്രം(തുടര്‍ച്ച)

2008-06-24T18:18:00.002+05:30

അംഗന്യാസം

അസ്യ ശ്രീ വിഷ്ണോര്‍ദ്ദിവ്യസഹസ്രനാമസ്തോത്രമഹാമന്ത്രസ്യ
ശ്രീ വേദവ്യാസോ ഭഗവാന്‍ ഋഷിഃ
അനുഷ്ടുപ് ഛന്ദഃ
ശ്രീ മഹാവിഷ്ണുഃ പരമാത്മാ ശ്രീമന്നാരായണോ ദേവതാ
അമൃതാംശുദ്‍ഭവോ ഭാനുരിതി ബീജം
ദേവകീനന്ദനഃ സ്രഷ്ടേതി ശക്തിഃ
ഉദ്‍ഭവഃ ക്ഷോഭണോ ദേവ ഇതി പരമോ മന്ത്രഃ
ശംഖഭൃന്നന്ദകീ ചക്രീതി കീലകം
ശാര്‍ങ്ഗധന്വാ ഗദാധര ഇത്യസ്ത്രം
രഥാംഗപാണിരക്ഷോഭ്യ ഇതി നേത്രം
ത്രിസാമാസാമഗഃ സമേതി കവചം
ആനന്ദം പരബ്രഹ്മേതി യോനിഃ
ഋതുസ്സുദര്‍സനഃ കാല ഇതി ദിഗ്‍ബന്ധഃ
ശ്രീ വിശ്വരൂപ ഇതി ധ്യാനം
ശ്രീ മഹാവിഷ്ണു പ്രീത്യര്‍ത്ഥേ സഹസ്രനാമ ജപേ വിനിയോഗഃ

ശ്രീ വിഷ്ണു സഹസ്രനാമസ്തോത്രം

ശ്രീ വിഷ്ണു സഹസ്രനാമസ്തോത്രം (തുടര്‍ച്ച)

2008-06-23T20:16:00.001+05:30

വിഷ്ണും ജിഷ്ണും മഹാവിഷ്ണും പ്രഭവിഷ്ണും മഹേശ്വരം
അനേകരൂപദൈത്യാന്തം നമാമി പുരുഷോത്തമം

കേശവഃ പാതു മേ പാദൌ ജംഘേ നാരായണോ മമ
മാധവോ മേ കടിം പാതു ഗോവിന്ദോ ഗുഹ്യമേവ ച

നാഭിം വിഷ്ണുസ്തു മേ പാതു ജഠരം മധുസൂദനഃ
ഉരസ്ത്രിവിക്രമഃ പാതു ഹൃദയം പാതു വാമനഃ

ശ്രീധരഃ പാതു മേ കണ്ഠം ഹൃഷീകേശോ മുഖം മമ
പദ്മനാഭസ്തു നയനേ ശിരോ ദാമോദരോ മമ

ഏവമേതാനി നാമാനി ജപകാലേ വിശേഷതഃ
വിന്യസേദാത്മരക്ഷാര്‍ത്ഥം സര്‍വ്വമംഗളസിദ്ധയേ

ശ്രീ വിഷ്ണു സഹസ്രനാമസ്തോത്രം

ശ്രീ വിഷ്ണു സഹസ്രനാമം (തുടര്‍ച്ച)

2008-06-22T19:47:00.004+05:30

ഏഷ മേ സര്‍വ്വധര്‍മ്മാണാം ധര്‍മ്മോ-ധികതമോ മതഃ

യദ്‍ഭക്ത്യാ പുണ്ഡരീകാക്ഷംസ്തവൈരര്‍ച്ചേന്നരസ്സദാ

പരമം യോ മഹത്തേജഃ പരമം യോ മഹത്തപഃ

പരമം യോ മഹദ്‍ബ്രഹ്മഃ പരമം യഃ പരായണം

പവിത്രാണാം പവിത്രം യൊ മംഗളാനാം ച മംഗളം

ദൈവതം ദേവതാനാം ച ഭൂതാനാം യോ-വ്യയഃ പിതാ

യതഃ സര്‍വ്വാണി ഭൂതാനി ഭവന്ത്യാദിയുഗാഗമേ
യസ്മിംശ്ച പ്രളയം യാന്തി പുനരേവ യുഗക്ഷയേ

തസ്യലോകപ്രധാനസ്യ ജഗന്നാഥസ്യഭൂപതേ
വിഷ്ണോര്‍ന്നാമസഹസ്രം മേ ശൃണു പാപഭയാപഹം

യാനി നാമാനി ഗൗണാനി വിഖ്യാതാനി മഹാത്മനഃ
ഋഷിഭിഃ പരിഗീതാനി താനി വക്ഷ്യാമി ഭൂതയേ

ഋഷിര്‍ന്നാമ്നാം സഹസ്രസ്യ വേദവ്യാസോ മഹാമുനിഃ
ഛന്ദോ-നുഷ്ടുപ് തഥാ ദേവോ ഭഗവാന്‍ ദേവകീ സുതഃ

അമൃതാംശുദ്‌‌ഭവോ ബീജം ശക്തിര്‍‌‌ദ്ദേവകീനന്ദനഃ
ത്രിസാമാ ഹൃദയം തസ്യ ശാന്ത്യര്‍‍‌‌ത്ഥേ വിനിയുജ്യതേ

ശ്രീ വിഷ്ണു സഹസ്രനാമസ്തോത്രം

2008-06-20T20:34:00.019+05:30

ഓം

ഹരിഃ ശ്രീ ഗണപതയെ നമഃ

അവിഘ്നമസ്തു

ഓം നമോ ഭഗവതേ വാസുദേവായ

ശുക്ലാംബരധരം വിഷ്ണും ശശിവര്‍ണ്ണം ചതുര്‍‍ഭുജം

പ്രസന്ന വദനം ധ്യായേത് സര്‍വ്വവിഘ്നോപശാന്തയേ

യസ്യ ദ്വിരദവക്ത്രാദ്യാഃ പാരിഷദ്യാഃ പരശ്ശതം

വിഘ്നം നിഘ്നന്തി സതതം വിഷ്വക്സേനം തമാശ്രയേ

വ്യാസം വസിഷ്ഠനപ്താരം ശക്തേ പൌത്രമകല്മഷം

പരാശരാത്മജം വന്ദേ ശുകതാതം തപോനിധിം

വ്യാസായ വിഷ്ണുരൂപായ വ്യാസരൂപായ വിഷ്ണവേ

നമോ വൈ ബ്രഹ്മനിധയേ വാസിഷ്ഠായ നമോ നമഃ

അവികാരായ ശുദ്ധായ നിത്യായ പരമാത്മനേ

സദൈകരൂപരൂപായ വിഷ്ണവേ സര്‍വ്വജിഷ്ണവേ

യസ്യ സ്മരണ മാത്രേണ ജന്മസംസാരബന്ധനാത്‍

വിമുച്യതേ നമസ്തസ്മൈ വിഷ്ണവേ പ്രഭവിഷ്ണവേ

നമസ്സമസ്തഭൂതാനാമാദിഭൂതായ ഭൂഭൃതേ

അനേകരൂപരൂപായ വിഷ്ണവേ പ്രഭ വിഷ്ണവേ

ശ്രീ വൈശമ്പായന ഉവാച :-

ശ്രുത്വാ ധര്‍മ്മാനശേഷേണ പാവനാനി ച സര്‍വ്വശഃ

യുധിഷ്ഠിരഃ ശാന്തനവം പുനരേവാഭ്യഭാഷത

ശ്രീ യുധിഷ്ഠിര ഉവാച :-

കിമേകം ദൈവതം ലോകേ കിം വാപ്യേകം പരായണം

സ്തുവന്തഃ കം കമര്‍ച്ചന്തഃ പ്രാപ്നുയുര്‍മ്മാനവാഃ ശുഭം

കോ ധര്‍മ്മ സര്‍വ്വധര്‍മ്മാണാം ഭവതഃ പരമോ മതഃ

കിം ജപന്മുച്യതേ ജന്തുഃ ജന്മ സംസാരബന്ധനാത്

ശ്രീ ഭീഷ്മ ഉവാച :-

ജഗത്‍പ്രഭും ദേവദേവമനന്തം പുരുഷോത്തമം

സ്തുവന്നാമസഹസ്രേണ പുരുഷഃ സതതോത്ഥിതഃ

തമേവ ചാര്‍‍ച്ചയന്നിത്യം ഭക്ത്യാ പുരുഷമവ്യയം

ധ്യായന്‍ സ്തുവന്നമസ്യം ച യജമാനസ്തമേവ ച

അനാദിനിധനം വിഷ്ണും സര്‍വ്വലോകമഹേശ്വരം

ലോകാദ്ധ്യക്ഷം സ്തുവന്നിത്യം സ‍ര്‍വ്വദുഃഖാതിഗോ ഭവേത്

ബ്രഹ്മണ്യം സര്‍വ്വ ധര്‍മ്മജ്ഞം ലോകാനാം കീര്‍ത്തി വ‍ര്‍ദ്ധനം

ലോകനാഥം മഹദ്‍ഭൂതം സര്‍വ്വഭൂതഭവോദ്‍ഭവം

ഏഷ മേ സര്‍വ്വധര്‍മ്മാണാം ധര്‍മ്മോ-ധികതമോ മതഃ

യദ്‍ഭക്ത്യാ പുണ്ഡരീകാക്ഷംസ്തവൈരര്‍ച്ചേന്നരസ്സദാ

പരമം യോ മഹത്തേജഃ പരമം യോ മഹത്തപഃ

പരമം യോ മഹദ്‍ബ്രഹ്മഃ പരമം യഃ പരായണം

പവിത്രാണാം പവിത്രം യൊ മംഗളാനാം ച മംഗളം

ദൈവതം ദേവതാനാം ച ഭൂതാനാം യോ-വ്യയഃ പിതാ

യതഃ സര്‍വ്വാണി ഭൂതാനി ഭവന്ത്യാദിയുഗാഗമേ

യസ്മിംശ്ച പ്രളയം യാന്തി പുനരേവ യുഗക്ഷയേ

തസ്യലോകപ്രധാനസ്യ ജഗന്നാഥസ്യഭൂപതേ

വിഷ്ണോര്‍നാമസഹസ്രം മേ ശൃണു പാപഭയാപഹം

യാനി നാമാനി ഗൗണാനി വിഖ്യാതാനി മഹാത്മനഃ

ഋഷിഭിഃ പരിഗീതാനി താനി വക്ഷ്യാമി ഭൂതയേ

ഋഷിര്‍ന്നാമ്നാം സഹസ്രസ്യ വേദവ്യാസോ മഹാമുനിഃ

ഛന്ദോ-നുഷ്ടുപ് തഥാ ദേവോ ഭഗവാന്‍ ദേവകീ സുതഃ

അമൃതാംശുദ്‌‌ഭവോ ബീജം ശക്തിര്‍‌‌ദ്ദേവകീനന്ദനഃ

ത്രിസാമാ ഹൃദയം തസ്യ ശാന്ത്യര്‍ത്ഥേ വിനിയുജ്യതേ

വിഷ്ണും ജിഷ്ണും മഹാവിഷ്ണും പ്രഭവിഷ്ണും മഹേശ്വരം

അനേകരൂപദൈത്യാന്തം നമാമി പുരുഷോത്തമം

കേശവഃ പാതു മേ പാദൌ ജംഘേ നാരായണോ മമ

മാധവോ മേ കടിം പാതു ഗോവിന്ദോ ഗുഹ്യമേവ ച

നാഭിം വിഷ്ണുസ്തു മേ പാതു ജഠരം മധുസൂദനഃ

ഉരസ്ത്രിവിക്രമഃ പാതു ഹൃദയം പാതു വാമനഃ

ശ്രീധരഃ പാതു മേ കണ്ഠം ഹൃഷീകേശോ മുഖം മമ

പദ്മനാഭസ്തു നയനേ ശിരോ ദാമോദരോ മമ

ഏവമേതാനി നാമാനി ജപകാലേ വിശേഷതഃ

വിന്യസേദാത്മരക്ഷാര്‍ത്ഥം സര്‍വ്വമംഗളസിദ്ധയേ

അംഗന്യാസം

അസ്യ ശ്രീ വിഷ്ണോര്‍ദ്ദിവ്യസഹസ്രനാമസ്തോത്രമഹാമന്ത്രസ്യ

ശ്രീ വേദവ്യാസോ ഭഗവാന്‍ ഋഷിഃ

അനുഷ്ടുപ് ഛന്ദഃ

ശ്രീ മഹാവിഷ്ണുഃ പരമാത്മാ ശ്രീമന്നാരായണോ ദേവതാ

അമൃതാംശുദ്‍ഭവോ ഭാനുരിതി ബീജം

ദേവകീനന്ദനഃ സ്രഷ്ടേതി ശക്തിഃ

ഉദ്‍ഭവഃ ക്ഷോഭണോ ദേവ ഇതി പരമോ മന്ത്രഃ

ശംഖഭൃന്നന്ദകീ ചക്രീതി കീലകം

ശാര്‍ങ്ഗധന്വാ ഗദാധര ഇത്യസ്ത്രം

രഥാംഗപാണിരക്ഷോഭ്യ ഇതി നേത്രം

ത്രിസാമാസാമഗഃ സമേതി കവചം

ആനന്ദം പരബ്രഹ്മേതി യോനിഃ

ഋതുസ്സുദര്‍സനഃ കാല ഇതി ദിഗ്‍ബന്ധഃ

ശ്രീ വിശ്വരൂപ ഇതി ധ്യാനം

ശ്രീ മഹാവിഷ്ണു പ്രീത്യര്‍ത്ഥേ സഹസ്രനാമ ജപേ വിനിയോഗഃ

ധ്യാനങ്ങള്‍

ക്ഷീരോദ്വന്വത്‍പ്രദേശേ ശുചിമണിവിലസത്-
സൈകതേ മൌക്തികാനാം
മാലാക്ലുപ്താസനസ്ഥഃ സ്ഫടികമണിനിഭൈര്‍-
മ്മൌക്തികൈര്‍മ്മണ്ഡിതാംഗഃ
ശുഭ്രൈരഭ്രൈരദഭ്രൈരുപരിവിരചിതൈര്‍-
മ്മുക്തപീയൂഷവര്‍ഷൈ-
രാനന്ദീ നഃ പുനീയാദരിനളിനഗദാ-
ശംഖപാണിര്‍മ്മുകുന്ദഃ

ഭൂഃ പാദൌ യസ്യ നാഭിര്‍വ്വിയദസുരനില-
ശ്ചന്ദ്രസൂര്യൌചനേത്രേ
കര്‍ണ്ണാവാശാശ്ശിരോദ്യൌര്‍മ്മുഖമപി ദഹനോ
യസ്യൈ വാസ്തേയമബ്ധിഃ
അന്തഃസ്ഥം യസ്യ വിശ്വം സുരനരഖഗഗോ-
ഭോഗിഗന്ധര്‍വ്വദൈത്യൈ-
ശ്ചിത്രം രംരമ്യമേതം ത്രിഭുവനവപുഷം
വിഷ്ണുമീശം നമാമി

3
ശാന്താകാരം ഭുജഗശയനം പത്മനാഭം സുരേശം
വിശ്വാധാരം ഗഗനസദൃശം മേഘവര്‍ണ്ണം ശുഭാംഗം
ലക്ഷ്മീകാന്തം കമലനയനം യോഗിഹൃദ്ധ്യാനഗമ്യം
വന്ദേ വിഷ്ണും ഭവഭയഹരം സര്‍വ്വലോകൈക നാഥം

4
മേഘശ്യാമം പീതകൌശേയവാസം
ശ്രീവത്സാങ്കം കൌസ്തുഭോത്ഭാസിതാംഗം
പുണ്യോപേതം പുണ്ഡരീകായതാക്ഷം
വിഷ്ണും വന്ദേ സര്‍വ്വ ലോകൈകനാഥം

ജ്യോതിഷപാഠമാല - ഗ്രഹനില

2008-05-31T12:15:00.007+05:30

ജ്യോതിഷമെന്നു കേള്‍ക്കുമ്പോള്‍ പെട്ടെന്ന് ഓര്‍മ്മ വരുന്നത് ജാതകം, പ്രശ്നം, പൊരുത്തം എന്നീ കാര്യങ്ങളാണ്. അവയ്ക്കെല്ലാം അടിസ്ഥാനം ഗ്രഹനിലയാണല്ലൊ.

നമുക്ക് ഗ്രഹനിലയില്‍ നിന്നു തന്നെ തുടങ്ങാം.

നിങ്ങളുടെ കൈവശം ഒരു ഗ്രഹനില ഉണ്ടായിരിക്കുന്നത് പഠനത്തിന് ഏറെ സഹായകമാകും.

ഉത്തമ ജ്യോതിഷികള്‍ ഗ്രഹനില ഗണിച്ചെടുക്കും. ഞാന്‍ Prophet എന്ന ജ്യോതിഷസോഫ്റ്റ്വെയര്‍ ആണ് ഉപയോഗിക്കുന്നത്.

ഇവിടെ O nline ആയി ഗ്രഹനില കിട്ടും‍

പഞ്ചാംഗഗണനത്തെക്കുറിച്ചും ജ്യോതിഷപ്രവചനങ്ങളുടെ അശാസ്ത്രീയതയെക്കുറിച്ചും ശ്രീ ഉമേഷ് വളരെ വിശദമായി ഗുരുകുലത്തില്‍ എഴുതിയിരിക്കുന്നതുകൂടി വായിക്കുന്നതു നന്നായിരിക്കും.
മറ്റുള്ളവരുടെ ലേഖനങ്ങളും ഞാന്‍ വായിക്കുന്ന മുറയ്ക്ക് ഇവിടെ ലിങ്ക് ചെയ്യുന്നുണ്ടാകും.

പുഴ.കോമിലെ മകരസംക്രമഫലം - ഒരു വിശകലനം

പ ഞ്ചാം ഗഗണനം

ജ്യോതിഷപാഠമാല

2008-05-29T12:44:00.003+05:30

ജ്യോതിഷപാഠമാല തുടങ്ങുന്നു.
എത്ര നാള്‍ നീണ്ടു നില്ക്കുമെന്നോ
എത്രപേര്‍ക്കു പ്രയോജനപ്പെടുമെന്നോ അറിയില്ല.
കുറെ അബദ്ധധാരണകളെങ്കിലും
തിരുത്താനാകട്ടെയെന്നാഗ്രഹിക്കുന്നു.
മനസാ ഗുരുസ്വീകരണം നടത്തിക്കോളൂ.
കമന്റില്‍ കൊടുക്കുന്ന ചോദ്യങ്ങള്‍ക്ക് ഉത്തരം പോസ്റ്റു ചെയ്യണം.

മഹാലക്ഷ്മ്യഷ്ടകം ജപിക്കേണ്ട രീതി

2007-07-13T18:19:00.001+05:30

ഐശ്വര്യത്തിനും അഭിവൃദ്ധിക്കും ജീവിതപുരോഗതിക്കും മഹാലക്ഷ്മ്യഷ്ടകം
നിത്യജീവിതത്തില്‍ നാം അനുഭവിച്ചുകൊണ്ടിരിക്കുന്ന പ്രശ്നങ്ങള്‍ക്ക് കൈയ്യും കണക്കുമില്ല. ദുഃഖങ്ങളും ദുരിതങ്ങളും നമ്മെ കടന്നാക്രമിച്ചുകൊണ്ടിരിക്കുകയാണ്. മനസ്സാകെ അസ്വസ്ഥം ! ശരീരത്തിനോ ബലക്കുറവും ക്ഷീണവും. ആകപ്പാടെ ഒരു മന്ദത ! ഉന്മേഷക്കുറവ് ! ബുദ്ധിയും വേണ്ടവിധത്തില്‍ പ്രവര്‍ത്തിക്കുന്നില്ല. എന്തോ ഒരു തകരാറ്. നല്ല വരുമാനമുണ്ട്, എന്നാല്‍ പണം കൈയ്യില്‍ നില്ക്കുന്നില്ല. കുടുംബജീവിതത്തിലാണെങ്കില്‍ അശാന്തിയുടെ സുനാമി..........!
എന്താണൊരു പോംവഴി ?
പോംവഴിയുണ്ട് വിശദമാക്കാം.

മനുഷ്യദുഃഖങ്ങളുടെ മൂലകാരണം ദാരിദ്ര്യമാണെന്ന് മഹത്തുക്കള്‍ ചൂണ്ടിക്കാണിച്ചിട്ടുണ്ട്. അത് സമ്പത്തുമായി മാത്രം ബന്ധപ്പെട്ടിരിക്കുന്നതല്ല. നഷ്ടം, പദവി നാശം, സന്താനരാഹിത്യം എന്നിങ്ങനെ മനോവ്യഥയുണ്ടാക്കുന്നതെല്ലാം ദാരിദ്ര്യത്തിന്റെ പരിധിക്കകത്ത് ഉള്‍പ്പെടുന്നവയാണ്. ഇത്തരത്തിലുള്ള ദാരിദ്ര്യദുഃഖങ്ങളില്‍ നിന്ന് മോചനം നേടാന്‍ ഹിന്ദുമതവിശ്വാസികളെ സംബന്ധിച്ചിടത്തോളം മഹാലക്ഷ്മിയെ ഭജിക്കുകയെന്നതാണ് ഉത്തമമായ പോംവഴി. (മറ്റു മതവിശ്വാസികള്‍ക്ക് വ്യത്യസ്തങ്ങളായ മാര്‍ഗ്ഗങ്ങളുണ്ട്. അവയെക്കുറിച്ച് പിന്നീടെഴുതാം.) അഷ്ടലക്ഷ്മീ സങ്കല്പംതന്നെ ഈ ആശയത്തില്‍ നിന്നാണല്ലൊ ഉത്ഭവിച്ചിട്ടുള്ളത്.

വിദ്യാര്‍ത്ഥികള്‍ക്കും പ്രവേശനപ്പരീക്ഷ, മത്സരപ്പരീക്ഷ, ഇന്റര്‍വ്യൂ തുടങ്ങിയവക്ക് തയ്യാറെടുക്കുന്നവര്‍ക്കും വിവാഹം, വീടുപണി, ഉദ്യോഗം മുതലായവക്ക് ശ്രമിക്കുന്നവര്‍ക്കും ബിസിനസ്സുകാര്‍ക്കും കലാകാരന്മാര്‍ക്കും എന്നുമാത്രമല്ല, ഏതു മേഖലയിലുള്ളവര്‍ക്കും മഹാലക്ഷ്മ്യഷ്ടകജപം അത്യന്തം ഉപയോഗപ്രദമായിരിക്കും.

ജപിച്ചു തുടങ്ങുമ്പോള്‍തന്നെ മഹാലക്ഷ്മ്യഷ്ടകത്തിന്റെ ദിവ്യപ്രഭാവത്താല്‍ ഓരോരുത്തരുടേയും അഭീഷ്ടസിദ്ധിക്കുള്ള സുഗമമായ വഴികള്‍ തെളിഞ്ഞുവരുന്നതായി കാണാം. ശുദ്ധിയോടും നിഷ്ടയോടും ശ്രദ്ധയോടും കൂടി വിധിയാംവണ്ണം ജപിക്കണമെന്നുമാത്രം.
മഹാലക്ഷ്മ്യഷ്ടകം

നമസ്തേസ്തു മഹാമായേ ശ്രീപീഠേ സുരപൂജിതേ

ശംഖ ചക്ര ഗദാ ഹസ്തേ മഹാലക്ഷ്മീ നമോസ്തുതേ.

നമസ്തേ ഗരുഡാരൂഢേ കോലാസുര ഭയങ്കരീ

സര്‍വ്വപാപഹരേ ദേവീ മഹാലക്ഷ്മീ നമോസ്തുതേ.

സര്‍വ്വജ്ഞേ സര്‍വ്വവരദേ സര്‍വ്വദുഷ്ട ഭയങ്കരീ

സര്‍വ്വദുഃഖഹരേ ദേവി മഹാലക്ഷ്മീ നമോസ്തുതേ.

സിദ്ധിബുദ്ധിപ്രദേ ദേവീ ഭുക്തിമുക്തിപ്രദായിനീ

മന്ത്രമൂര്‍ത്തേ സദാദേവീ മഹാലക്ഷ്മീ നമോസ്തുതേ.

ആദ്യന്തരഹിതേ ദേവീ ആദിശക്തി മഹേശ്വരീ

യോഗജേ യോഗസംഭൂതേ മഹാലക്ഷ്മീ നമോസ്തുതേ.

സ്ഥൂലസൂക്ഷ്മ മഹാരൌദ്രേ മഹാശക്തി മഹോദരേ

മഹാപാപഹരേ ദേവീ മഹാലക്ഷ്മീ നമോസ്തുതേ.

പത്മാസനസ്ഥിതേ ദേവി പരബ്രഹ്മസ്വരൂപിണീ

പരമേശീ ജഗന്മാതാ മഹാലക്ഷ്മീ നമോസ്തുതേ.

ശ്വേതാംബരധരേ ദേവീ നാനാലങ്കാരഭൂഷിതേ

ജഗസ്ഥിതേ ജഗന്മാതാ മഹാലക്ഷ്മീ നമോസ്തുതേ.

മഹാലക്ഷ്മ്യഷ്ടകം ജപിക്കേണ്ട രീതി

ജപം തുടങ്ങും മുന്‍പായി രണ്ടു പാത്രങ്ങള്‍ സംഘടിപ്പിക്കുക. നിധിപാത്രം, നാണയങ്ങള്‍ ശേഖരിക്കുന്നതിനും; അര്‍പ്പണപാത്രം, നാണയങ്ങള്‍ അര്‍പ്പിക്കുന്നതിനും.

അര്‍പ്പണപാത്രം വിളക്ക് കത്തിക്കുന്നിടത്താണ് സൂക്ഷിക്കേണ്ടത്. അവരവരുടെ കഴിവനുസരിച്ച് നൂറോ, അഞ്ഞൂറോ, ആയിരമോ തുകയ്ക്കുള്ള ചില്ലറ മാറി നിധിപാത്രത്തില്‍ കരുതണം. നാണയങ്ങള്‍ കഴുകി ശുദ്ധമാക്കി വയ്ക്കുന്നതാണ് നല്ലത്. ദിവസേന കിട്ടുന്ന നാണയങ്ങള്‍ ഈ പാത്രത്തിലിട്ട് സൂക്ഷിക്കാം. നിധിപാത്രം എപ്പോഴും നിറഞ്ഞിരിക്കുവാന്‍ ശ്രദ്ധിക്കുമല്ലൊ.

ഓരോ പ്രാവശ്യം മഹാലക്ഷ്മ്യഷ്ടകം ജപിച്ചു കഴിയുമ്പോഴും നിധി പാത്രത്തില്‍ നിന്ന് ഒരു പിടി നാണയങ്ങളെടുത്ത് നെഞ്ചോടു ചേര്‍ത്ത് അഭീഷ്ടസിദ്ധിക്കായി പ്രാര്‍ത്ഥിക്കണം. മഹാലക്ഷ്മിയുടെ പദകമലങ്ങള്‍ സങ്കല്‍പിച്ച് നാണയത്തുട്ടുകള്‍ അര്‍പ്പണപാത്രത്തില്‍ അര്‍പ്പിക്കുക. രാവിലെയും വൈകുന്നേരവും കുളികഴിഞ്ഞ് മൂന്നുപ്രാവശ്യം വീതമാണ് ജപിക്കേണ്ടത്. തദവസരത്തില്‍ ശുദ്ധിയും ശ്രദ്ധയും നിഷ്ഠയും നിര്‍ബന്ധമായും പുലര്‍ത്തേണ്ടാതാണ്.

18 ദിവസത്തെ ജപം കഴിയുമ്പോള്‍ അര്‍പ്പണപാത്രത്തിലെ മുഴുവന്‍ നാണയങ്ങളും വെളുത്ത പട്ടില്‍ പൊതിഞ്ഞ് കിഴി കെട്ടി, കര്‍പ്പൂരം കത്തിച്ച് മൂന്നുപ്രാവശ്യം ആരതിയും നടത്തി, അലമാരിയിലോ മേശക്കുള്ളിലോ സൂക്ഷിക്കുക. (കിഴിയിലെ നാണയങ്ങള്‍ക്കു തുല്യമായ തുക ആചാര്യദക്ഷിണയായി സമര്‍പ്പിക്കുന്നത് നന്നായിരിക്കും.) തുടര്‍ന്ന് മേല്‍പ്പറഞ്ഞ രീതിയില്‍ തന്നെ 108 ദിവസം ജപം തുടരണം.

ജപം തുടരുക

പ്രശ്നങ്ങളില്‍ നിന്ന് മോചനം നേടാന്‍ തുടങ്ങുമ്പോഴേക്കും ജപം നിര്‍ത്തിക്കളയരുത്. അതോടൊപ്പം തന്നെ പ്രശ്നങ്ങളില്‍ നിന്ന് മോചനം നേടാനുള്ള പരിശ്രമങ്ങളും തുടരണം. പരിശ്രമിക്കുന്നവര്‍ക്കു മാത്രമേ ലക്ഷ്മീ കടാക്ഷമുണ്ടാകുകയുള്ളു. മഹാലക്ഷ്മ്യഷ്ടകം അത്യധികമായ ആത്മവിശ്വാസവും ഈശ്വരാധീനവും പ്രദാനം ചെയ്യും.

ഐശ്വര്യത്തിന്റെ പാതയിലൂടെ മുന്നേറുക.

ശ്രദ്ധിക്കേണ്ട കാര്യങ്ങള്‍

ആരതി ചെയ്യുന്ന ദിവസം മത്സ്യമാംസാദികളും പുകവലി, മദ്യപാനം തുടങ്ങിയവയും ഉപേക്ഷിച്ച് ശുദ്ധമായിരിക്കണം.
അശുദ്ധിയുടെ ദിനങ്ങളിലൊഴികെ ജപം മുടങ്ങാനിടവരുത്തരുത്.
ആത്മവിശ്വാസത്തോടും ദൃഢനിശ്ചയത്തോടും കൂടി ജീവിതത്തെ അഭിമുഖീകരിക്കുക.

മഹാലക്ഷ്മീകടാക്ഷത്താല്‍

അഭീഷ്ടസിദ്ധിയും സര്‍വ്വവിധ ഐശ്വര്യങ്ങളും

ഉണ്ടാകട്ടെയെന്ന് പ്രാര്‍ത്ഥിക്കുന്നു.

മഹാലക്ഷ്മ്യഷ്ടകം

2007-07-11T21:27:00.001+05:30

മഹാലക്ഷ്മ്യഷ്ടകം

നമസ്തേസ്തു മഹാമായേ ശ്രീപീഠേ സുരപൂജിതേ
ശംഖ ചക്ര ഗദാ ഹസ്തേ മഹാലക്ഷ്മീ നമോസ്തുതേ.

നമസ്തേ ഗരുഡാരൂഢേ കോലാസുര ഭയങ്കരീ
സര്‍വ്വപാപഹരേ ദേവീ മഹാലക്ഷ്മീ നമോസ്തുതേ.

സര്‍വ്വജ്ഞേ സര്‍വ്വവരദേ സര്‍വ്വദുഷ്ട ഭയങ്കരീ
സര്‍വ്വദുഃഖഹരേ ദേവി മഹാലക്ഷ്മീ നമോസ്തുതേ.

സിദ്ധിബുദ്ധിപ്രദേ ദേവീ ഭുക്തിമുക്തിപ്രദായിനീ
മന്ത്രമൂര്‍ത്തേ സദാദേവീ മഹാലക്ഷ്മീ നമോസ്തുതേ.

ആദ്യന്തരഹിതേ ദേവീ ആദിശക്തി മഹേശ്വരീ
യോഗജേ യോഗസംഭൂതേ മഹാലക്ഷ്മീ നമോസ്തുതേ.

സ്ഥൂലസൂക്ഷ്മ മഹാരൌദ്രേ മഹാശക്തി മഹോദരേ
മഹാപാപഹരേ ദേവീ മഹാലക്ഷ്മീ നമോസ്തുതേ.

പത്മാസനസ്ഥിതേ ദേവി പരബ്രഹ്മസ്വരൂപിണീ
പരമേശീ ജഗന്മാതാ മഹാലക്ഷ്മീ നമോസ്തുതേ.

ശ്വേതാംബരധരേ ദേവീ നാനാലങ്കാരഭൂഷിതേ
ജഗസ്ഥിതേ ജഗന്മാതാ മഹാലക്ഷ്മീ നമോസ്തുതേ.

നീരാഞ്ജനം

2007-07-08T11:06:00.000+05:30

നീരാഞ്ജനം

വൃത്തിയാക്കിയ നാളികേരം ഉടച്ച്, വെള്ളം കളഞ്ഞ്, രണ്ടു മുറിയാക്കി, അവയില്‍ എള്ള് കിഴികെട്ടി നെയ്യില്‍ മുക്കിയോ നെയ്യൊഴിച്ചോ വച്ച് കത്തിക്കുന്നതാണ് നീരാഞ്ജനം.

കത്തിത്തീരുന്നതുവരെ ശനീശ്വര സ്തോത്രങ്ങളോ ഈശ്വരാധീനസ്ഥിതി മെച്ചപ്പെടുത്തുന്നതിനായി ശ്രീ വിഷ്ണുസഹസ്രനാമസ്തോത്രമോ ജപിക്കേണ്ടത് അത്യാവശ്യമാണ്.

നീരാഞ്ജനം കത്തിക്കുമ്പോള്‍ കൃത്യനിഷ്ഠ പാലിക്കേണ്ടതുണ്ട്.

ഉദ്ദിഷ്ഠ കാര്യസിദ്ധിക്ക് 41 ദിവസംതുടര്‍ച്ചയായി നീരാഞ്ജനം കത്തിക്കണം.

വീട്ടില്‍തന്നെ കത്തിക്കുന്നതാണ് ഉത്തമം.

തടസ്സങ്ങളുണ്ടാകാന്‍ സാദ്ധ്യതയുണ്ടെങ്കില്‍, ഉപാസനയും ആത്മാര്‍ത്ഥതയും ഉള്ളവരെ മുന്‍കൂര്‍ പണമോ പൂജാ സാമഗ്രികളോ നല്കി ഈ ചുമതല ഏല്പിക്കുനാതാണ് നല്ലത്. എന്നാലും വീട്ടിലിരുന്ന് ദിവസത്തില്‍ ഒരുനേരമെങ്കിലും ശ്രീ വിഷ്ണുസഹസ്രനാമസ്തോത്രം വായിക്കുവാന്‍ സമയം കണ്ടെത്തണം.

ശനീശ്വരന്‍ രാശി മാറുകയാണ്

2007-07-08T10:46:00.000+05:30

ശനീശ്വരന്‍ രാശി മാറുകയാണ്

2007 സെപ്റ്റംബര്‍ 16-ന് കര്‍ക്കടകം രാശിയില്‍ നിന്ന് ചിങ്ങം രാശിയിലേക്കാണ് മാറ്റം. ചില നക്ഷത്രക്കാരെ സംബന്ധിച്ചിടത്തോളം ശനിയുടെ രാശിമാറ്റം ദുരിതപൂര്‍ണ്ണമാകാനിടയുണ്ട്.

കര്‍ക്കടകം (പുണര്‍തം മുക്കാല്‍ ഭാഗം, പൂയം, ആയില്യം ) , ചിങ്ങം ( മകം, പൂരം, ഉത്രം കാല്‍ ഭാഗം ), കന്നി (ഉത്രം മുക്കാല്‍ ഭാഗം, അത്തം, ചിത്തിര അര ഭാഗം) കൂറുകാര്‍ക്ക് ഇപ്പോള്‍ ഏഴരശ്ശനിക്കാലമാണ്.

ഇതില്‍ കന്നിക്കൂറുകാര്‍ക്ക് ഏഴരശ്ശനി ആരംഭിക്കുന്നതേയുള്ളു.

ചിങ്ങക്കൂറുകാര്‍ ഏഴരാണ്ടശ്ശനിയുടെ ഫലങ്ങള്‍ അനുഭവിച്ചുകൊണ്ടിരിക്കുകയായിരുന്നു. അവര്‍ക്ക് ഇനിയുള്ള രണ്ടരവര്‍ഷം ജന്മശ്ശനി കാലമാണ്. ഇക്കാലത്ത് ദുരിതാനുഭവങ്ങള്‍ വര്‍ദ്ധിക്കാനാണ് സാദ്ധ്യത.

കര്‍ക്കടക ക്കൂറുകാര്‍ക്ക് കഴിഞ്ഞ രണ്ടരവര്‍ഷം ഏഴരശ്ശനിയിലെ, ജന്മശ്ശനിക്കാലമായിരുന്നു. അവരെ സംബന്ധിച്ചിടത്തോളം ഏഴരശ്ശനിയുടെ തിക്തഫലങ്ങള്‍ ഇനി മേല്‍ കുറെശ്ശെ കുറെശ്ശെകുറഞ്ഞുവരും.

ശനിബാധ അഥവാ ശനിദോഷം

2007-07-06T22:14:00.000+05:30

ശനിബാധ അഥവാ ശനിദോഷം

ബഹുഭൂരിപക്ഷം ജനങ്ങളേയും ബാധിക്കുകയും ഭയപ്പെടുത്തുകയും ചെയ്യുന്ന ഒരു ദോഷമാണല്ലൊ ശനിബാധ അഥവാ ശനിദോഷം. അഷ്ടമശ്ശനി, കണ്ടകശ്ശനി, ഏഴരശ്ശനി എന്നിങ്ങനെ ഏതെങ്കിലും വിധത്തില്‍ ശനി ബാധയേല്ക്കാത്തവര്‍ വിരളമാണ്.

ഏഴരശ്ശനി

ഓരോരുത്തരുടേയും കൂറിലും കൂറിന്റെ പന്ത്രണ്ട്, രണ്ട് ഭാവങ്ങളിലുമായ് ശനി സഞ്ചരിക്കുന്ന ഏഴര ക്കൊല്ലമാണ് ഏഴരശ്ശനി അഥവാ ഏഴരാണ്ടശ്ശനി എന്നറിയപ്പെടുന്നത്. ശനി പന്ത്രണ്ടിലും രണ്ടിലും നില്ക്കുന്നതിനേക്കാള്‍ ദോഷം ചെയ്യുക ജന്മത്തില്‍ (കൂറില്‍) സഞ്ചരിക്കുന്ന രണ്ടരക്കൊല്ലമാണ്. അന്യദേശവാസം, പ്രവൃത്തികളില്‍ ഉദാസീനത, മേലധികാരികളുടെ അതൃപ്തി, സ്ഥാനചലനം, തൊഴില്‍ നഷ്ടം, രോഗം, അപകടങ്ങള്‍, അലച്ചില്‍, ധനനഷ്ടം, ദാരിദ്ര്യം, അപമാനം, നിരാശ, കേസുകള്‍, പോലീസ് നടപടി, ഭയം, തടസ്സങ്ങള്‍ തുടങ്ങി അനുകൂലമല്ലാത്ത ഒട്ടനവധി അനുഭവങ്ങള്‍ ഏഴരശ്ശനിക്കാലത്തു വന്നു ചേരാം. അതേസമയം ജീവിതഗതിയെത്തന്നെ മാറ്റി മറിച്ചേക്കാവുന്ന സംഭവങ്ങളും ഇക്കാലത്തുണ്ടാകും.

ജന്മശ്ശനി

ഏഴരശ്ശനിയുടെ ഏറ്റവും ദുരിതം പിടിച്ച കാലം ജന്മശ്ശനിയുടെ സമയമാണ്. വേണ്ടപ്പെട്ടവരുടെ വേര്‍പാട്, രോഗദുരിതങ്ങള്‍, അകാരണ ഭയം, ഏകാന്തവാസം, അലച്ചില്‍, വിഷപീഡ, ആത്മഹത്യാപ്രവണത തുടങ്ങി അനേകപ്രകാരത്തിലുള്ള പ്രതികൂലാനുഭവങ്ങള്‍ നേരിടേണ്ടിവരും. കരുത്തുറ്റ യുവത്വത്തിന് ഇവയെ കുറെയൊക്കെ അതിജീവിക്കാനാകും. പ്രായമായവരെ സംബന്ധിച്ചിടത്തോളം ഇക്കാലം വളരെ മോശമാണ്.

കണ്ടകശ്ശനി

കൂറിന്റെ കേന്ദ്ര (4-7-10) ഭാവങ്ങളില്‍ ശനി സഞ്ചരിക്കുന്ന കാലമാണ് കണ്ടകശ്ശനി എന്നറിയപ്പെടുന്നത്. ‘കണ്ടകന്‍ കൊണ്ടേ പോകൂ’ എന്നൊരു ചൊല്ല് പ്രചാരത്തിലുണ്ട്. പല വിധത്തിലുള്ള കഷ്ടപ്പാടുകള്‍ വന്നുചേരും. രോഗം, ധനനഷ്ടം, ശസ്ത്രക്രിയ, മാനഹാനി മുതലായവ പ്രതീക്ഷിക്കാം.

നാലില്‍ ശനി

നാലില്‍ ശനി നില്ക്കുമ്പോള്‍ കുടുംബപരമായ ബുദ്ധിമുട്ടുകളാണ് പ്രധാനം. കുടുംബകലഹം, ബന്ധുജന വിരോധം, അന്യദേശവാസം, ഗൃഹനിര്‍മ്മാണം, അതുമായി ബന്ധപ്പെട്ട മനോവിഷമങ്ങള്‍, മാതാപിതാക്കള്‍ക്ക് ദുരിതം, ധനനഷ്ടം തുടങ്ങിയവ ഇക്കാലത്തുണ്ടാകും. കൂടാതെ വസ്തുവകകള്‍ക്ക് നാശം, ഉപകരണങ്ങള്‍ക്കു കേടുപാടു സംഭവിക്കല്‍, വാഹനദുരിതം, വീടു വില്ക്കല്‍, കുടുംബക്ഷേത്രത്തിന് അധഃപതനം മുതലായവയും സംഭവിക്കാം.

ഏഴില്‍ ശനി

ഏഴില്‍ ശനി നില്ക്കുമ്പോള്‍ ഭാര്യാഭര്‍ത്തൃബന്ധത്തിനും മറ്റു ബന്ധങ്ങള്‍ക്കും ഉലച്ചില്‍ തട്ടാം. ഭാര്യക്കോ ഭര്‍ത്താവിനോ രോഗം, ശസ്ത്രക്രിയ, അപവാദം കേള്‍ക്കല്‍, വിദേശയാത്ര, ധനനാശം മുതലായവ ഇക്കാലത്തുണ്ടാകാനാണ് സാദ്ധ്യത.

പത്തില്‍ ശനി

പത്തില്‍ ശനി നില്ക്കുമ്പോള്‍ തൊഴില്‍ രംഗത്തുള്ള കുഴപ്പങ്ങളായിരിക്കും കൂടുതല്‍ വിഷമിപ്പിക്കുക. തൊഴില്‍ നഷ്ടം, ദൂരദേശവാസം, ധനനഷ്ടം, കര്‍മ്മതടസ്സം തുടങ്ങിയ ദുരനുഭവങ്ങളും ഉണ്ടാകും.

അഷ്ടമശ്ശനി

എട്ടില്‍ ശനി സഞ്ചരിക്കുന്ന കാലവും വളരെ കഷ്ടതകള്‍ നിറഞ്ഞതാണ്. സാമ്പത്തിക ബാദ്ധ്യതകള്‍, ബന്ധുജനവിരോധം, ഇടപെടുന്ന കാര്യങ്ങളിലൊക്കെ പരാജയം, പുത്രദുഃഖം എന്നിങ്ങനെ ഏതെല്ലാം തരത്തില്‍ ബുദ്ധിമുട്ടുകളുണ്ടാകാമോ അതൊക്കെ പ്രതീക്ഷിക്കണം. അഷ്ടമം ആയുര്‍സ്ഥാനമാണെന്നു കൂടി ഓര്‍ക്കുന്നത് നന്നായിരിക്കും.

മകരം, കുംഭം, തുലാം ലഗ്നക്കാരെയും കൂറുകാരെയും ശനിദോഷങ്ങള്‍ വല്ലതെ വിഷമിപ്പിക്കില്ലെങ്കിലും ദോഷാനുഭവങ്ങളില്‍ നിന്ന് അവര്‍ പൂര്‍ണ്ണമായും ഒഴിവാക്കപ്പെടാറില്ല. സൂര്യന്റെ യോഗമോ വീക്ഷണമോ ഉള്ള ശനിയും ഏറെ കഷ്ടപ്പെടുത്തില്ല.

എന്തായാലും ശനിദോഷമുള്ള നക്ഷത്രക്കാര്‍ ഉചിതമായ പരിഹാര കര്‍മ്മങ്ങള്‍ അനുഷ്ഠിക്കേണ്ടത് അത്യാവശ്യമാണ്. ഈശ്വരീയകാര്യങ്ങളില്‍ ശ്രദ്ധ പതിപ്പിക്കുന്നവര്‍ക്ക് ഇത്തരം ദോഷങ്ങളൊന്നും ബാധിച്ചു കാണാറില്ല.

പരിഹാരങ്ങള്‍

ശനിദോഷത്തിന് പലതരത്തിലുള്ള പരിഹാരങ്ങള്‍ നിര്‍ദ്ദേശിക്കപ്പെടാറുണ്ടെങ്കിലും ശനീശ്വരനെ ഭജിക്കുകയും നീരാഞ്ജനം കത്തിക്കുകയും ചെയ്യുന്നതാണ് ഏറ്റവും ഫലപ്രദമായി കണ്ടുവരുന്നത്. ശനിദോഷപരിഹാരത്തിനായി പ്രത്യേകം തയ്യാര്‍ ചെയ്ത യന്ത്രങ്ങള്‍ ധരിക്കുന്നതും ഉചിതമായ രത്നങ്ങള്‍ ധരിക്കുന്നതും നല്ലതാണ്.

മത്സരപ്പരീക്ഷകളും ജ്യോതിഷവും

2007-07-05T23:15:00.001+05:30

ഈ ലേഖനം 2007 ഡിസംബറിലെ ജ്യോതിഷരത്നം വാരികയില്‍ പ്രസിദ്ധീകരിച്ചു വന്നു. ഞാന്‍ വിവരമറിഞ്ഞത് വളരെ താമസിച്ചാണ്.
ആദ്യം ബ്ലോഗിലും പിന്നെ പ്രിന്റ് മീഡിയയിലും.....

ഇത് മത്സരപ്പരീക്ഷകളുടെ കാലമാണ്. വിവിധ എന്‍ട്രന്‍സ്‍ പരീക്ഷകള്‍, യു. ജി. സി., ജെ. ആര്‍. എഫ്., നെറ്റ്, സെറ്റ് , പി. എസ്. സി പരീക്ഷകള്‍ എന്നിങ്ങനെ എത്രയെത്ര മത്സരപ്പരീക്ഷകളാണ് നമ്മുടെ വിദ്യാര്‍ത്ഥികള്‍ക്ക് നേരിടുവാനുള്ളത്. ഉദ്യോഗാര്‍ത്ഥികള്‍ക്ക് ഉദ്യോഗലബ്ധിക്കും ഉദ്യോഗ സ്ഥര്‍ക്ക് പ്രമോഷനും മറ്റുമായും പലതരം മത്സരപ്പരീക്ഷകളില്‍ പങ്കെടുക്കേണ്ടി വരുന്നുണ്ട്. ഈ അവസരത്തില്‍ ആത്മവിശ്വാസത്തോടെയുള്ള കഠിന പ്രയത്നത്തിനു മേമ്പൊടിയായി ജ്യോതിഷോ പദേശവും കൂടി സ്വീകരിക്കുന്നത് നന്നായിരിക്കും. ബുദ്ധിയുടെ മാറ്റുരക്കുന്നവയാണ് മത്സരപ്പരീക്ഷകള്‍. അതുകൊണ്ട് മത്സരങ്ങളെയും മത്സരപ്പരീക്ഷകളെയും പറ്റി ചിന്തിക്കുമ്പോള്‍ ബുദ്ധി-പ്രതിഭാ സ്ഥാനമായ അഞ്ചാം ഭാവമാണ് പ്രധാനമായും പരിഗണിക്കേണ്ടത്.

അഞ്ചാം ഭാവാധിപന്‍
അഞ്ചാം ഭാവത്തില്‍ സ്ഥിതിചെയ്യുന്ന ഗ്രഹം
അഞ്ചിലേക്ക് നോക്കുന്ന ഗ്രഹം
അഞ്ചാം ഭാവാധിപനോട് യോഗം ചെയ്യുന്ന ഗ്രഹം
അഞ്ചാം ഭാവാധിപനെ നോക്കുന്ന ഗ്രഹം

ഇങ്ങനെ അഞ്ചു വിധത്തിലുള്ള ഗ്രഹങ്ങളുടെ ദശയിലോ അപഹാരങ്ങളിലോ ആണ് സാധാരണയായി മത്സരങ്ങളെയോ മത്സരപ്പരീക്ഷകളെയോ നേരിടേണ്ടി വരുന്നത്. അഞ്ചാം ഭാവധിപന്‍ നില്ക്കുന്ന രാശി, ഭാവം ആ രാശ്യാധിപന്‍, ഭാവാധിപന്‍ എന്നിവ കൂടി ഇത്തരുണത്തില്‍ പരിചിന്തനത്തിന് വിധേയമാ ക്കേണ്ടതുണ്ട്.

പരീക്ഷക്കാലത്ത് മനസ്സും ശരീരവും ഒരുപോലെ ഏകാഗ്രവും ഊര്‍ജ്ജസ്വലവുമായിരിക്കണം. അതോടൊപ്പം ആത്മവിശ്വാസവും കഠിനപ്രയത്നവും കൂടിയുണ്ടെങ്കില്‍ വിജയിക്കുവാനുള്ള സാദ്ധ്യത വളരെക്കൂടുതലായിരിക്കും. വിജയം സുനിശ്ചിതമാക്കുന്ന ഇത്തരം കാര്യങ്ങളെ സ്വാധീനിക്കുന്ന ചില ഗ്രഹങ്ങളുണ്ട്.

മേഖല-----------------------------------------സ്വാധീനിക്കുന്ന ഗ്രഹം

------------------------------------------------------------------------------------
ശരീരം-------------------സൂര്യന്‍
മനസ്സ് -------------------ചന്ദ്രന്‍
ബുദ്ധി, പ്രതിഭ--------------------വ്യാഴം
ആത്മവിശ്വാസം, ഊര്‍ജ്ജസ്വലത, മാത്സര്യബോധം-------------------ബുധന്‍ കഠിനപ്രയത്നം--------------------കുജന്‍
------------------------------------------------------------------------------------

ജാതകത്തിലും ഗോചരാലും സൂര്യചന്ദ്രന്മാര്‍ക്ക് ബലവും ഗുരുവും ബുധനും തമ്മില്‍ നല്ല ബന്ധവും അനുകൂലമായ കുജസ്ഥിതിയും ഉണ്ടായിരിക്കണം. എങ്കില്‍ മാത്രമേ വിജയം സുനിശ്ചിതമാവുകയുള്ളു. ഇങ്ങനെ അഞ്ചാം ഭാവവുമായി ബന്ധപ്പെട്ട ബലമുള്ള ഗ്രഹങ്ങളുടെ ദശാപഹാരഛിദ്രകാലങ്ങള്‍ ഗോചരാല്‍ അനുകൂലമാകുമ്പോഴാണ് മത്സരപ്പരീക്ഷകളില്‍ വിജയമുണ്ടാകുന്നത്.

എത്ര ബുദ്ധിമാനായാലും ജാതകത്തിലോ ഗോചരാലോ ഗ്രഹസ്ഥിതി അനുകൂലമല്ലെങ്കില്‍ പരീക്ഷകളില്‍ പ്രതീക്ഷിച്ച നേട്ടം കൈവരിക്കുവാന്‍ സാധിച്ചുവെന്നുവരില്ല. അതുകൊണ്ട് ഉത്സാഹിച്ചു പഠിക്കുന്നതോടൊപ്പം തന്നെ ഉത്തമനായൊരു ജ്യോതിഷിയെ സമീപിച്ച് ഗ്രഹസ്ഥിതി വിശകലനം ചെയ്ത് ആവശ്യമായ പരിഹാരങ്ങളും കൂടി ചെയ്യുവാന്‍ പരീക്ഷാര്‍ത്ഥികളും അവരുടെ മാതാപിതാക്കളും ശ്രദ്ധിക്കണം.

കാലേക്കൂട്ടി പരിഹാരങ്ങള്‍ ചെയ്യുന്നതാണ് ഫലപ്രാപ്തിക്ക് അനുയോജ്യം.